Quantu era biaddru dru ma
nannu Paulinu
Quantu era biaddru dru ma
nannu Paulinu,
sempri allicchittatu ca
pariva un figurinu...
Di cammisi, giacchi e
cravatti iddru n'aviva assà,
e pi ricordu tutti so niputi
Alessandru si li piglià.
Profumatu e sistimatu sempri
iddru era,
quannu nisciva un colossu si vidiva fori la cantunera.
Sempri precisu ni li so così, a tuttu
pinsava
felici e cuntenti sempri ni la so
Camilla iddru turnava.
61 anni di matrimoniu aviva festeggiatu
e di la so Camilla ogni iuarnu era
sempri nnammuratu.
Pi li cunti iddru sempri era purtatu
"LU RAGIUNIARI" a lu travagliu
era chiamatu.
Quannu lu vasava era sempri sciaurusu
e ci diciva sempri a Camilla: AMI',
dunaccilli 10 euru a lu carusu...
Mi cuntava sempri li so stori di quannu
era carrabuniari in divisa,
tra carezzi e risati ni passava lu
tiampu ni la so casa.
Na casa sempri china di figli e niputi,
ca ci purtavanu li dolci e li affettuosi
saluti.
Pi lu lottu iddru era sempri
appassionatu,
e all'ottu e mezza di sira controllava
li so nummari sempri concentratu.
Ni la so malatìa nun ci mancava mai un
sorrisu
e quannu ni lassà era biaddru e sirenu
ni lu visu.
Lu so cori era forti cuamu un liuni,
era chiddru di un patri ca finu alla
fini nn vuliva lassari li so amati persuni.
Lu I MAGGIU ormai sa data ni l'amma
ricurdari,
cu ‘u MA NANNU PAULINU ca pi l'ultima
vota ni vonzi abbrazzari...!!!!
Alessandro Schifanella