Rit. Binidiciti Madonna mia
'n tuttu lu munnu c'è l'allegria
e rallegrastivu l'anima mia
binidiciti Madonna mia

Supra st'antaru c'è natu nu gigliu
la Mamma e lu Figliu pregari si vò

Rit. Binidiciti Madonna mia
'n tuttu lu munnu c'è l'allegria
e rallegrastivu l'anima mia
binidiciti Madonna mia

Supra st'antaru c'è nata na rosa
unni arriposa lu dolci Gesù

Rit. Binidiciti Madonna mia
'n tuttu lu munnu c'è l'allegria
e rallegrastivu l'anima mia
binidiciti Madonna mia

Supra st'antaru c'è natu un pumiddu
Gesù picciliddu pregari si vò

Rit. Binidiciti Madonna mia
'n tuttu lu munnu c'è l'allegria
e rallegrastivu l'anima mia
binidiciti Madonna mia

Supra st'antaru c'è natu u Signuri
Gesù 'nginucchiuni pregari si vò

Rit. Binidiciti Madonna mia
'n tuttu lu munnu c'è l'allegria
e rallegrastivu l'anima mia
binidiciti Madonna mia

Simmu junti a sta nuvena
pì Maria Matri Beata
quannu persi la nuttata
'n mizzu u friddu e la jlata

Quannu Diu s'avìa 'ncarnari
mannà l'Angilu Gabrieli
a Maria i a salutari
la Rigina di li celi

Quannu l'Angilu scinnì jusu
e guardà ddu bellu visu
arristà tuttu cunfusu
si scurdà lu Paradisu

Tanti seculi passaru
già s'aspetta lu Missia
e li jorna su arrivati
di partirisi Maria

E Maria ubbidienti
a cavaddu si mintìa
San Giseppi caminava
e la ritina tirava

San Giseppi era cunfusu
pi la via c'avìa a fari
e pù tempu rigurusu
ca si misi a nivicari

Arrivati a Betlemmi
passirannu i nostri affanni
ci aju 'drà tanti parenti
boni amici e canuscenti

Tuppi tuppi parintuzzi
e cu je viniti apriri
nun c'è locu nun c'è postu
jativinni a n'autru postu

Tuppi tuppi cu tuppìa
San Giseppi cu Maria
cu m'ammutta cu ni manna
jammuninni a n'autra banna

Spusa mia bedda Signura
e stasira unni si scura
e si scura a la strania
cu Gesuzzu e cu Maria

Truvaru na grutta fora
senza tettu e senza mura
pi la nivi ca cadìa
si s'arriparà Maria

Ci mancavanu palazzi
a lu Re di la natura
vosi nasciri a li strapazzi
'ntra na povira mangiatura

Li pastura spavintati
c'ha a sett'uri già agghiurnaru
natu 'nterra Lu truvaru
a Gesuzzu l'aduraru