Poesia del mese

Con questo nuovo componimento Ninu l'Ursu Finu cerca di spiegarci il significato di "ia m'ahhiava fori".
Onestamente non ci abbiamo capito molto ma lo sforzo e' encomiabile e il risultato gradevole.
Giovanni Chiparo
EMail: johnchiptiscali.it

Addriccati e vacci arriri, dici lu muttu anticu
ed eccò, arriri cca, Ninu lu vostru amicu
chiddru ca va a passia sempri a lu chianu
e veni pi svilarivi l'arcanu.
"ia m'ahhiava fori"
Criuca, l'happ'a scriviri sbagliatu
datu ca nuddru cca nascì 'mparatu.
E ora nun mi pigliati pi strammatu,
si dicu ca quannu ia iva a la scola,
scriviri in sicilianu era un granriatu.
E niscivu fori di lu siminatu ...
datu ca nzocc'aia diri mi l'avia scurdatu;
Lu fattu è, ca un mi vinnu li ghiusti paroli
pi putiri arrimari cu ia m'ahhiava fori.
Perciò tutta la storia v'aia cuntari
e siddru è longa e vi fazzu stancari
signuri mè, m'ata pirdunari!
Però, simmu nni l'ebbica virtuali
e cu si stanca e un sapi cumu fari
pò sempri dra cudiddra di suci assicutari,
e quannu pua la cursa finisci,
'ncapu a chiui, fa clicchi cu un ghitu e tuttu sprisci.
E allura:... La prima vota ca viscrissi era ammitatu
a mangiari nni giuvanni lu scassatu
chiddru tuttu compiuterizzatu
ca pi bona burcetta è muntuatu!
e tra un bicchiri e l'antru,
senza nè, chi, nè, quantu
lu vinu bunu 'nn'app'a 'nchiuscari (vedi obnubilare) la menti
e jammu a finiri dintra l'internetti
senza ca nuddru s'adduna di nenti.
e forsi un ci criditi, nni ddra gran cunfusioni
tutt'a na vota 'nni s'allargà lucori!
pirchì chianu sant'Aita vittimu spuntari
e a tutti nni parsi ca eramu dra a passiari.
" Carù! taliati dunni simmu! " dissi Pasquali
mentri cu na manica si stujava l'occhiali
pirchì un si nni putia acccapacitari.
E, lu figliu di lu spinnazzatu
ca è sempri lu cchiu allapazzatu,
s'ahhia cu un bottu 'nterra stinnilicchiatu
e mentri lu spincivamu santiannu
sbuttà a diri: " nooh! d'accusi nun va'!
porcu di cca! e di ddra!
lu dissi piffina lu ministru
ca li cosi s'ann'a scriviri cu lu ghiustu virsu
e a chissi si cciav'a 'mparari
ca sti barrieri architettonichi l'ann'a livari
pirchì, si ia mi stuccava mmizzu mi lu diciti cu m'avia pagari?! "
E datu ca eramu tutti d'accordu, nni la ciarmunia,
grapimmu l'imeilli e così sia.
E chiddru chi niscì fori ormai lu canusciti
e di cu su li firmi ora lu sapiti.
E fu accussi, ca ia, ca dra sira arriniscivu lu cchiu allittratu
mi vinni a truvari poeta e nni l'anonimatu
datuca a scriviri di fori un ci sugnu abbituatu
e siccumu era tecchia avvinazzatu
'un capivu, ca nni lu mittenti lu ma nnomi un c'era stampatu
E ora ca lu misteru fu svilatu
V'abbrazza e vi saluta, lu vostru affezzionatu.

Ninu l'Ursu Finu